無人知疫情幾時完，淨係知疫情過後，個個一行出門就係廚神。各位廚神在家修練多日，有無已經好頭痕唔知煮咩好，不如又睇下南亞街坊留係屋企既時候整左d咩？無得出街都可以隔住個Mon 索下隔離飯香！
菜式會持續更新，敬請期待！
<< Gosht Masala 馬沙拉羊肉>>
Masala即係香料咁解。大家見到佢明明同Curry一樣樣，咁幾時先係Masala, 幾時先係Curry?
其實Curry同Masala基本既材料差唔多，所以外貌相似，但Masala會係Curry既材料之外，再加入Garam Masala (雜錦香料)。Masala食落比Curry乾身、濃味，食完個身會暖架！
一般Masala都只會煮一款肉類/蔬菜，但今次尼位巴基斯坦太太既私家食譜，就加埋喜歡既蔬菜，大家都可以跟住佢分享既做法，再按自己口味自由發揮:)
做法：
熱鍋下油，將孜然粉和洋葱爆香後，加入羊肉炒至半熟，再加水煮滾。之後放進切碎的番茄(使用罐頭去皮番茄更佳！) ，當番茄煮至與湯汁融和，就可加入喜歡的蔬菜。下調味，包括雜錦香料、鹽、辣椒，最後蓋上蓋子細火炆煮，直到油層浮面，完成！食之前加少許莞茜和香料，就更加惹味。
非常感謝巴基斯坦太太既分享！ 有問題可以留言發問。
喂喂你地最近煮過咩啊，分享下丫！
下圖為巴基斯坦太太的Gosht Masala炆煮中。
〔隔離飯香：南亞住家菜式分享〕菜式會持續更新，敬請期待！
《Pakora 炸雜菜》
《Sooji Halwa 小麥布甸》
《Split Pea with Spinach 馬豆菠菜》
Comments